MBAZE ABANTU ICYO BAHORA UMWAMI = JE DEMANDE AUX GENS CE QU’ILS REPROCHENT AU ROI ?
Ce poème de la catégorie “Ikobyo” émane de ce Bamenya, Préfet des Poètes de la Cour. Il est inquiet du mauvais accueil réservé à son maître, Rwabugili. Ce poème est un blâme adressé aux membres des grandes familles de la Cour qui ont boudé le nouveau roi.
C’est donc un témoignage historique du problème de la légitimité qu’a posé ce Sezisoni, fils de Nkoronko, devenu Rwabugili et qui plus est, devenu Kigeli IV. Ses frères Nyamwesa et Nyamahe, ont les yeux creuvés pour écarter la menace de légitimité dont leur vie pouvait constituer.Notre poète est évidemment du côté de son maître et se montre scandalisé par le puissant groupe des opposants. La traduction facilite l’intelligence de cette problématique qui explique, à l’avance, pourquoi Rwabugili fut de nos rois le plus sanguinaires contre ses proches.
Mbaze abantu icyo bahora Umwami
Wa Mwuhira-kare* wa Rukaga-nshuro*,
Akaba inyanzi* bakamuhora ubwo.
Ko yari inzugu* yanyu,
05 Mwazirikanye icyo avuze mu kubaha,
Mwabaye iki ?
Emwe ntakababaza nk’ishavu,
Bana b’i Shoka-nyoni kwa Nyamata
Amahari akayegura
10 Akababaza amagana.
None yaramuka abarariye
Ntibagire inama,
Yo kubyukurutsa mu bantu
Kandi ari we wahabwaga izikamwa,
15 Rukomera-nshotsi rwa Gacura-nkumbi*
Inka yahawe mukazikinga.
Uyu mugambi mwagiye nimutawanga
I Mukama-mpembyi bazawanga.
Mbe bagabo muzi ko nagize umugayo
20 Nahoze ndi intiti*,
Ya Mukabukira-guhora* wa Mushira-rwango
Sindengere Nkoz-imyambi.
Ntamurengeye nkiri aho
Najya i Kabuye,
25 Kanyura-ruzi yantota.
Ariko nimukomeze umutima
Duhatswe n’inkuba,
Ya Nkomeretse mu isoso ya Mutavuka
Nta rwango ngo arababanje.
30 Umukamo si intizo,
Ni ukumuha ibirori
Bagabo mwumva ibyo birasanzwe.
Musubize na bene Nyamihana, tuburane
Mfite urubanza rw’Umwami,
35 Wa Mwigura-ngoma* wa Nyirakarume
Arabarariza zigashoka.
Ubwo zikuka ntimucyure
Tukamuha imirama*,
Uruvugo rwanyu tukarusiba.
40 Rubanda nta mutegeka mufite
Ubagenga ubu ni Bihire*,
I Gihanda-mubiri* cya Nyarubago
Rubuga atetse i Rukambura.
Uwo nashatse ize kuzicyura ndazibura
45 Nimumbabarire bana b’i Rukaza,
Ko ari mwa mwari musangiye ingobyi
N’ingoma ya Ndakuze,
Ntimuzizane ngo zitahe,
Erega mwakiraniwe* mwese.
50 Umwami ararara
N’utunze ebyiri akazizana.
Ese ntimwari kumwe na se
Wo ku Muremure* wa Mudaterurwa*,
We ntabibutsa ayo magambo.
55 Bati : mbese ntiyabanjije nyine
Ize akazicyura,
N’uwabangiriye akazizana.
Nimbarire abana b’i Buhoro
Ko ari mwe mwari musangiye imizi,
60 N’Abami ba Kamara-mbeho
Ntimushakirwe inyuma cyane.
Mwe ntimwabyukurukije nk’ubwa mbere,
Ubwo zishe inyoni
Rubuguza atetse imbere ya Mpushi,
65 Nimusubize aha bana b’i Mbuye
Izi nka mwazihawe na se,
Musangwa-kwiriba* wa Busage*
Musabwa yabagabiye ibihumbi.
None yataha i Mahembe mukamuhisha,
70 Imbabazi zaje ntimwazije mwo.
Nimusubize aha bana bo mu Birambo
Igituma mutabyukurukiriza Umwami,
Mu mataba ya Kabare
Ntimuzizane ngo zitahe.
75 Nimbabarire abana b’i Rubona
Ubonye aho yagaherewe,
Maze ntimumuhe injishi
Aje gucanira ku mukingo ?
Kanyankore ati : jye nta nka ngira
80 Mu Ntonde za Murehe na Kinyinya,
Ahajya i Kiganda,
Azigize imbata.
Uwo ni we mukuru wari hambere,
None icyo yagoye Kigeli
85 Naragishatse kiranyobera.
Kaburabuza uyu si umwaka
Ni umugome gusa,
Aho naramubonye agira ubwimba.
Yazijyanye i Ruhunga ndazibura
90 Azijyanye mwo na Cyozi,
Mbabara cyane.
Kandi ni ko bambereye
Bambujije kwubaka,
Navuga Kanyonga ko yampaye
95 Ngasekwa cyane.
Ubu bwimba* bubanje nibataburekera,
Abakama-mpenda* baritashye,
Muzampe icyiru mwese ndabakomye
Nimukomeza urwango muzarwana.
Sem comentários:
Enviar um comentário