TWABONA INGORO= NOUS CONTEMPLONS UN
PALAIS D’UNE RARE BEAUTE
Ce petit poème d’ « Ikobyo » célèbre la beauté artistique de la nouvelle résidence royale construite sur la colline de Mwima, près de Nyanza.
Twabona ingoro
Ya Ngumij-ingoma ya Nyirabusage,
Ifite inyonga yashize umwanda.
Irasa n’ijuru nkayikunda
05 Nayibarira ababyeyi b’i Kiviri,
Jye nashimwa.
Ko mfite urugo rufite inkesha
Rwa Ntunguy-ibano ya Rugera-mbuga,
Nkaba ndaruzi nzaruhunda imihayo.
10 Yarumfashe mwo nka se cyane,
Uwo Mwami yavutse yakunze
Muhwanya iyo ngeso.
Ko twunguye n’inzu ziri mwo inyumba
Ya Mvumbits-umuriro ya Gacura-nkumbi
15 Iryo shyira ryayo risa bunyambo.
Ayimvunyiriza mwo Nyamarembo,
Ngo ndasobwa n’ibiraro bya baka Yuhi
Nkaba impwishi.
Ayingejeje mwo imbere
20 Nsanga ipfundikishije imiringa,
Iyi nzu ya Nsutse ubusoro ya Mutabavuka
Mu ruhamo rwayo hari imanzi.
Uyigera mwo ntugende
Haseruka umusaso wakwiye
25 Ikaruta ibyaro.
Reba ko nahoranye inganzo
Y’Abami ba Gacumu,
Ko nteta nabwiwe kuzajyana amagana
Yaduhaye ingoro zidukwiye,
30 Nimukomeze iminyafu yo gucyura zirumana.
Sinatenguha ayo mazu y’indaterurwa
Ya Birorero mu mpundu bya Nyamacumu,
Jye sinacumura i Ruhanga.
Hari n’indi yambaye urubuga
35 Nimuyirabukwa i Mukama-mpembyi murambwire.
Mbatanze isuku iruta izindi
Mu mataba ya Mureha-mpfizi,
Inka yampaye zishize impiza.
Kabone ninzinduka ngenda
40 Nzabe mfite inkuru,
Mbarira Bwagiro mu Busayo.
Na mwe ab’imuhana
Murarebe imihana akwije ibindi bihugu
Uyu Mwami wa Gica-ngeri arabaganje.
45 Ngo nimuze no kumukeza,
Uyu Mwami wa Rukabuza
Aremeye ahatse ibyaro.
Ab’i Nkore mbaratire Mutara
Umurwa yubatse,
50 Ku mutwe wa Mugurwa-mvura
Iri n’imyasiro mu mugendo.
Mu mwinjira-ngoma wayo ni urubera,
Ikwije no mu maha irasanganya
Irasa n’ijuru mwabonye,
55 Ni yo ibarira Kayonga
Ko yamwubakiye bazivuga.
Urampe inka y’umwishywa
Rubuga yarambwiye
Ko ntazakena mu muryango umu.
60 Ngaya ay’isuku yanyu
Reka nyabarire umukunzi
Nta mwikomo tugwije imihana.
Sem comentários:
Enviar um comentário