Ibisigo Nyabami- MUNYANGAJU Laurien-NONE UTABARUTSE NEZA

NONE UTABARUTSE NEZA = TE VOILA DE RETOUR D’UN VOYAGE PLEIN DE SUCCES

Ce poème « Ikobyo », composé par Laurien Munyangaju du clan des Abanyiginya, du lignage Abaryinyonza, célèbre le voyage du roi Mutara III en Belgique. Il fut déclamé le 22 juin 1949. Ce voyage marque un tournant décisif dans les relations entre le Rwanda et la Belgique.
Il se place également dans une période de formation des partis politiques qui contestent la monarchie au nom de la démocratie. Le poète s’imagine que ce voyage du roi en Belgique aidera à mâter ces mouvements subversifs ! Munyangaju appartient déjà à l’époque moderne, du Rwanda colonial et christianisé comme le montre son prénom.

None utabarutse neza
Ntega amatwi
Nguterere abahinza umwaku,
Umwami asigaye ari uwo kwa Gihanga.
005 Ngaha Leta urayihuguye,

Bazahindure ibitabo
Batarure abanyabinyoma,
Basesengure abasumiye ingoma
Batazirazwe na ba se.
010 Bose uzabahigika bahinduke abamotsi,

N’ubundi ryari ishyano
Warushye amashyamirane,
Mu mashyo y’inka zawe.
Ni cyo cyatumye ushyiguka
015 Umwami ni ukurwana ishyaka,

Akagwiza ishya,
Agatsinda ishyari
Ishyamba akarivurunga,
Avumbura ibyamwihishe.
020 Ni cyo gituma ashobora amahanga,

Amahina yaza akarinda.
Umva ngo ndagutatira
Ngutaturira abanzi,
Ngira ngo ubone inzira yo gutsinda.
025 Dore nje gufata amazi

Abaguteze amaso ni benshi,
Umunsi wo mu maturo
Wungutse andi matungo,
Ni igitego nguhaye
030 Nzagutaha unyishyure.

Komeza ubashyashyanire
Wateye igishyika
Ishyerezo uzabashyikira.
Aho uzi ijoro waraye waje
035 Abahinza bumvise iryo jambo,

Baragize ngo bakugize nk’uw’ejo,
None bamanjiriwe.
Barajajabira hehe
Ko wahagaze ku byambu,
040 Ugaturuka ibyoko byose.

Ni iby’ubusa bazatsindwa
Nta we uca ku mugeni w’igikundiro,
Ngo azakwe umubi.
Jyeho mbonye rubaye
045 Ubwo bazatora umukuru,

Ukwiye gutegeka
Ntibazatangwe kuri Mutara,
Umwami w’igitinyiro
Witahira mu Rukari.
050 Ni we uteye ikirenge

Mu cya Ruganzu rwa Ndahiro,
Umwe wahanuraga abahinza
Yabahagurukiye nk’ukwo.
Komeza urwane iyo ntambara
055 Nkubereye ku nteko,

Mbagutorere ubatutire
Tubake amatungo,
Ni jye ubaguteje umutasi wawe.
Nitwa Ruvugamahame
060 Uhimba nta bwo atinya,

Ahora aturuka ahakomeye
Akarinda aho ruremye,
Ntiyirengagize ibyo areba.
Burya Abazungu bera
065 Hari ho ibyo tutabashima,


Twabibahishe kera.
Reka mbakenkenukwe mvuge
Mwenda mumvungure,
Mungire ivu
070 N’ubundi hapfa uwavutse.

Dore icyambere nkibabwire
Ko mujya mwumva amagambo,
Mugahishira abagambanyi
Ntimubagaragaze ngo tubumve,
075 Kandi ari abagome rusenzi.

Umwami aba umwe mu Rwanda,
Uwo barwaniye mwo akamunyaga,
Ibyo kwica byaraciwe.
Ko mucumbikira abamuciriye igico,
080 Barya bacurirana mu gicuku mukabaceceka,

Ni ba gica cya Micaca,
Barashaka kubacanya na we.
Ni inkunda-bicika bose
Burya ba se babiciye kera,
085 Ubwo mutwita ibicucu,

Tubiceceka tubizi
Ko mwizihiza abakungu
Mugasa n’abakunda amaturo.
Ko yabakuriye yo umutima akabakorera,
090 Mugasa n’abamukunda urumamo,

Burya mwamaranywaga n’iki ?
Ubwo mwari mushebetse
Mu ntambara ishize,
Ntimwangaga isumbe
095 No gusuzugurirwa mu isi yanyu,

Burya ibintu bisa n’ibindi.
Ngaho ndabibabwiye
Na mwe mufite ubwenge,
Ubwami ni igikomeye
100 Ntibukurweho n’ubusa.

Ko mwisobeka n’ababisha,
Tuzamenya tumushakira hehe ?
Muramenye mudahana Umwami, ni uguhemuka.
Burya amagambo abwirwa benshi
105 Akwumva bene yo.

Mbese ntiriwe nyorera
Na mwe mutiyibagije,
Nzi ko ari nta cyo muyoberwa
Kereka icyo mudashatse.
110 Uwagambaniye igihugu akakiyobya,

Iwanyu mumugenza mute, tukoya !

Related Posts by Categories