Ibisigo Nyabami- RUHINDA -NDI UMUPFUMU W’INKA

RUHINDA
152. NDI UMUPFUMU W’INKA = JE SUIS LE DEVIN POUR LES VACHES


Ce poème fragmentaire fut composé par Ruhinda, fils de Kinyukura. Du point de vue chronologique, il est le 5ème de nos poètes d’après la liste officielle que voici : Nyirarumaga, Ndoli, Muguta, Rukungu et Ruhinda. Ce poème fut offert au roi Yuhi III Mazimpaka. Son objet est une sorte de prophetie que ce poète a eu concernant la succession au trône, ainsi que certains offices reservés aux rois de telle ou telle appelation. L’auteur fut obligé par serment de renoncer à la composition poétique. Le roi obligea les poètes de la Cour de retenir ce morceau et de le débiter devant les témoins officiels pour éviter les oublis ou les altérations.

Wa Samweru wa Nyiramwerezwa-ngoma,
Murongo waca intaho kwa Mucuzi
Ku Bucuzi, i Kabugwe, mu Nyabuyogera.
05 Narose, narose Nkindi
Ya Nkende ya Nyirabicano
Awucanye i Remera.
Naremera Gasange na Gaseke,
Musana wa Bweru agahaka ibyaro,
10 Na njye nkaba indi nkara idahishwa



Ya Nkomati na Nyiraserera,
Ye Basaku batashye mu Gasagara
Bajyanye inka ya Kamabuye i Karemba.
Bwacya nkamubona mu Matiro
15 Ya Matabaro ya Mabara-ahunga

Bamwambika amahano.
Nkamubona kuri Bwana bwa Gitega,
N’umutwe wa cya gitwa cya Kinanira
Ngategera n’undi musozi
20 Wa Murekezi wa Nyiramuhanyi,
Urya yashyiraga Mugumya.
Yamushyiraga amushyikiriza,
Ngo umuyobore umugongo wa Sazange
Umuyogoma e Rumanura.
25 Bukeye umushumba aranyagwa ndagabana

Iza Miseke ya Gitura mu Gitoke.
Izo atsindije Rubanda uruhanga
Ruhingo rwa Mbugo arazintasura.

Cana nguyu Umwami Gisenga,

Gisanganira-ngoma cya Kimenyi
30 Arakuraririye araje.

Nguyu Nyiri-cy’inguge
Kigeli cy’Abanyabugufi
Arakwigabiye muzaramukanya.
Izamuhe impundu Cyegera
35 N’umunyinya wa Kimenyi,

N’i Muti wa Cyansi bazumva.
Nizigera i Mabare ya Giseke
Zisesekare i Mwendo e Kibona-ngeri.

Cana nguyu Umwami Rwambariro,

Rwambika-mabega rwa Rweru,
40 Arakurariye araje.

Nguyu Nyarufunzo rwa Nkuba ya Rukorera,
Arikomeje kuzindukira iyo
Izamuha impundu Maza
N’ibibanza bya Mabara
45 Kibaga na Kimihana ziri aho.

Nizambuka icyogo cya Ntaruka,
N’abari agahanda bazumva bavuze.

Cana nguyu Umwami Sazange,

Serekera ya Busage arakurariye araje,
Nguyu Nyiri iwa Murwa wa Munega,
50 Musana wa Cyilima arakuzindukiye.

Cana nguyu Umwami wa Gahondo

Gahororo Kavuna ka Mutara
Nguyu arakurariye araje.
Nguyu wa Muhima wa Mutagoma
Are uwa Kwivuga arakuzindukiye,
55 Izamuhe impundu Cyaratsi

N’impinga ya Gashoba na Kimitavu
N’umwogo wa Bitare,
N’umutwe wa Runga na Shyunga
Nizambuka Kiviri,
60 Gasaka na Gatwazo ka Mitwero

Bazahereranya induba.

Cana nguyu Umwami Bwama-ndurwe

Bwimba bwa Makara uwo
Ko yahawe na Bwimba bwa Macumbi,
Izamuhe impundu Majyejuru
65 N’impinga ya Macumu,

Zicubuke zerekera i Gafumba.
Nizambuka Mwotsi
Mugusa n’ umubande wa Mubezi
Bazamusanganiza induba.

Cana nguyu Umwami Mukingo,

70 Nguyu Samukondo wa Samuheza wa Samembe

Agucuse umwariro.
Izamuhe impundu Rwesero
Na Gasatsi ka Kirabo,
N’abari i Kavuzo bazumva.
Cana nguyu Umwami Muramira

75 Muhabura wa Murahu arakurariye araje,

Izamuhe impundu Nyundo
Na Nyota za Kabone
N’abari mu Kato bazumva bavuze.
Nizasaba umucyamu wa Rubona,
80 Kuri Muhororo bazahereranya induba.

Related Posts by Categories