Indirimbo-Amatage Ubugirakabiri-Justine Uwababyeyi

Amatage ubugirakabiri
Indirimbo ya Justine Uwababyeyi



Nzigira mu rwatubyaye

Nikumburiye ababyeyi banjye

Icyo ni icyifuzo gihora gutyo

Kubera amatage y'amatindi



Ukabura ababyeyi bombi

Ukabura uko usura imva yabo

Ni ibintu biryana ahantu

Kubera amatage y'amatindi



R/ Ni amatage ubugirakabili

Agutera intimba ndende huuuuu

Agutera kwigunga cyane huuuuu

Akagusaba kwiyumanganya huuuu



Ndakwibuka Dawe wambyaye

Ndakwibuka Mawe wampetse

Ni byinshi sinarushya mvuga

Ibyo mwadutoje twe abo mwibarutse



Ngaho turaho turacyakoma

Duhanganye n'ubuzima kimwe n'abandi

Turashyigikirana dutera ijya mbere

Turangwa n'urukundo mwadutoje



R/



Dawe, bararyibuka rirya jambo wababwiye

Abari urungano rwawe icyo gihe

Ubaturagiza

Ubadushinga

Ubishimangira

Uti "muzamenyere abana ndabasabye"



Mawe, ndanazirikana zirya ntashyo

zuje inama igihe nari kure yawe kure cyane

Umpanura kandi umpumuliza

Umpumura kandi unyereka imbere



Kubabura inkurikirane

Dawe na Mawe na Mwambarangwe



R/ Ni amatage ubugirakabili

Agutera intimba ndende huuuuu

Agutera kwigunga cyane huuuuu

Akagusaba kwiyumanganya huuuu

Related Posts by Categories