Ibyamamare byinjiza amafaranga menshi bitakiriho

Hashize imyaka ibiri Micheal Jackson yitabye Imana, ariko umutungo yasize nta kimenyetso cyo kugabanuka werekana. Umwami wa pop na none yongeye kugaragara kw’isonga ry’urutonde rw’ibyamamare byinjiza akayabo nyuma y’urupfu, ubu akaba abarirwa miliyoni 170 z’amadolari nk’uko uru rutonde rwakozwe na Forbes Magazine rubigaragaza.

Uyu mwaka, Jackson yegerewe na Elisabeth Taylor, ubikesha umubavu witwa White Diamonds Fragrance, akaba yarinjije miliyoni 12 kuva yitaba Imana mu kwa gatatu. Nk’uko iki kinyamakuru gikomeza kivuga, ibyamamare 15 biri kuri uru rutonde birerekana ko wapanze neza, urupfu rutakubuza gukomeza gukorera inoti nyinshi.

Ibyamamare 15 biri kuri urwo rutonde byose hamwe ngo byinjije miliyoni 336 mu madolari hagati y’Ukwakira 2010 n’Ukwakira 2011, bikaba byerekana ko urupfu atari iherezo ku byamamare.

Dore uko urutonde rwose ruteye:

1.Micheal Jackson:Yari umucuranzi, akaba yaritabye Imana tariki 25/09/2009 ku myaka 50 azize overdose. Yinjije miliyoni 170 $.

2.Elvis Presley: Yari umucuranzi akaba n’umukinnyi wa sinema, akaba yaritabye Imana tariki 16/08/1977 ku myaka 42 azize umutima. Yinjije miliyoni 55$.

3.Marilyn Monroe: Yari umukinnyi wa sinema, akaba yaritabye Imana tariki05/08/1962 ku myaka 36 azize overdose. Yinjije miliyoni 27$.

4.Charles Schulz: Yatunganyaga filimi zo mu bwoko bwa Cartoon, akaba yaritabye Imana tariki 12/02/2000 ku myaka 77 azize canseri. Yinjije miliyoni 25$.

5.John Lennon: Yari umucuranzi, akaba yaritabye Imana tariki 08/12/1980 ku myaka 40 yishwe. Yinjije miliyoni 12$.

6.Elisabeth Taylor: Yari umukinnyi wa sinema, akaba yaritabye Imana tariki 23/03/2011 ku myaka 79 azize umutima. Yinjije miliyoni12$.

7.Albert Einsetin: yari umu scientist, akaba yaritabye Imana tariki 18/04/1955 ku myaka 76 azize urupfu rusanzwe. Yinjije miliyoni 10$.

8.Theodor Geisel: Yari umwanditsi, akaba yaritabye Imana tariki 24/09/1991 ku myaka 87 azize urupfu rusanzwe. Yinjije miliyoni 9$.

9.Jimi Hendrix: yari umucuranzi, akaba yaritabye Imana tariki 18/09/1970 ku myaka 27 azize overdose. Yinjije miliyoni 7$.

10.Stieg Larsson: yari umwanditsi, akaba yaritabye Imana tariki 09/11/2004 ku myaka 50 azize umutima. Yinjije miliyoni 7$.

11.Steve McQueen: Yari umukinnyi wa sinema, akaba yaritabye Imana tariki 30/11/1980 ku myaka 50 azize ibibazo byo kubagwa. Yinjije miliyoni 7$.

12.Richard Rodgers: Yari umwanditsi w’indirimbo, akaba yaritabye Imana tariki 30/12/1979 ku myaka 77 azize indwara yari yaramwokamye. Yinjije miliyoni 7$.

13.George Harrison: yari umucuranzi, akaba yaritabye Imana tariki 29/11/2001 ku myaka 58 azize cancer. Yinjije miliyoni 6$.

14.Bettie Page: Yari umukinnyi wa sinema, akaba yaritabye Imana tariki 11/12/2008 ku myaka 85 azize urupfu rusanzwe. Yinjije miliyoni 6$.

15.Andy Warhol: Yari umunyabugeni, akaba yaritabye Imana tariki 22/02/1987 ku myaka 58 azize ibibazo byo kubagwa. Yinjije miliyoni 6$.