Umusi umwe Inyabu yagize ngo ija gufata imbeba, iba ari yo icakirwa n’umutego, umurizo uracika. Isubiye i muhira ibona izindi nyabu ziguma ziyiraba, zigaseka zose.
Ya nyabu irazikoranya ihagarara imbere yazo iti :
- Ndi n’ijambo ndababwira.
- Wovuga tukumva !
- Imirizo yacu iratugora. Iyo tugomba kwihisha, ntidukundira kwinyegeza rwose. Tugomba gufata imbeba, turayizungagiza zikaba zatwumvise. Twagenda naho tukayikwega canke tukayishinga, zikayibona. Kenshi na kenshi murabiraba na mwe umurizo ni wo ukunda gufatwa n’umutego. Jewe rero nanse ko umurizo wanje uzosubira kuja urangora, ndawuca. None namwe ndabagishije inama, ngo muze muyicishe mwese.
Zose zitwengera rimwe.
Inyabu nkuru muri zo, iyishura iti :
- Mbe kuva na kera na rindi, guhera kuri basokuru n’abasokuruza hari aho urumva ko imirizo yacu itugora? Canke muri twese ni nde yakuganyiye ko umurizo wiwe wamunaniye? Wagomba kwikura mu kabarerwa ngo twese tube ibicika murizo.
Iyo buba ubwumwe bwari ikindi.
Shakisha kuri ino site
pa
Inyabu Yacitse Umurizo
Subscrever:
Enviar feedback (Atom)
Sem comentários:
Enviar um comentário