Judo/Karate: Ubuyapani Bwijeje u Rwanda Imfashanyo

by http://rw.topstories24.com 
Ubwo yakirwaga na Minisitiri wa Siporo n’Umuco Amb. Joseph Habineza, Ambasaderi w’u Buyapani mu Rwanda, Kazuya Ogawa yatangaje ko iki gihugu giteganya kohereza impuguke mu mikino y’ubwirinzi ya Karate na Judo zikaza gutoza Abanyarwanda uyu mukino, mu rwego rw’ubufatanye mu by’umuco ibi bihugu byombi bisanzwe bifitanye.

Ambasaderi Kazuya yagaragaje ibikorwa bitandukanye bijyanye na Siporo n’Umuco Ambasade y’u Buyapani isanzwe ikorera mu Rwanda birimo guteza imbere umukino wa Karate, Judo na Taekwondo n’ibijyanye n’Umuco birimo indirimbo zitandukanye ziririmbwa n’abakorerabushake b’Abayapani mu Kinyarwanda, ibiganiro biba hirya no hino mu gihugu byibanda ku mateka n’Umuco by’u Buyapani.
Ambasaderi Kazuya kandi yasobanuriye Minisitiri Habineza ko muri gahunda ya “Sports for tomorrow” Ambasade y’u Buyapani yiyemeje guteza imbere Siporo mu Rwanda cyane cyane Siporo y’imikino njyarugamba (Karate, Judo na Taekwondo).

Ku bindi, Ambassaderi w’u Buyapani mu Rwanda yatanga
je ko bazakomeza guteza imbere ibikorwa by’umuco binyuze mu biganiro bagirana n’urubyiruko hirya no hino mu gihugu n’ibindi bitandukanye.
Ku rundi ruhande, Minisitiri Habineza yashimwe uruhare rwa Ambasade y’u Buyapani igira mu guteza imbere Siporo n’Umuco mu Rwanda akaba yasabye ko bakomeza gukorana kugira ngo bigere ku rugero rushimishije.

Minisitiri Habineza aganira na Ambasaderi w'Ubuyapani mu Rwanda

via Igihe.com

Related Posts by Categories