AGATI BAMANITSE ABAMI, Abasizi Batazwi

AGATI BAMANITSE ABAMI = LE PETIT ARBRE PLANTE PAR LES ROIS

Ce poème de la catégorie “Ibyanzu” fut offert au roi Kigeli III Ndabarasa le jour même où celui-ci intronisa son co-régnant Mibambwe III Sentabyo. Le « petit arbre » en question signifie l’ordre de succession des rois fixé par Cyilima Rugwe et appliqué par les rois des noms Cyilima et Mutara.

Agati bamanitse Abami

Ba Gitoke na Kimiyove

Gihoza agendana na Nyakesa.

Ati : reka ntange iyi njyishywa yanjye

005 Twinyuze i Magu,

Mushyo arayimana

I Magu y’e Rugarika.

Harya wakanuye Kavuna-nka

Ka Nyirakavubika na Kanyura-mfura

010 Watashye i Jabiro rya Kibondo.

Bagihigima iki

Ko ari wowe utweretse ibirari,

Bya Butata mu Byaduka-ngeri

Bya Ngeze i Shyara

015 Imbare yashyizwe mu gacu n’Indasubirwa,

Za gihoro na Kinywera-mbogo.

Warayubahutse urayenda

Enda tugushirukanye* n’isugi yawe,

Usugira u Buriza bwose

020 N’u Bwanacyambwe bwa Nyabyanzu

Ruyege wogeye inkuka.

Basekera ba so,

I Rwanda rwa Nyirarubuga

Aho ni i Rwahi rwa Nyarwangu.

025 Utumurikiye imbonwa utabuzimbwa

Buhanzi ubu bwenge ntubutira,

Ngozi ya Rwambuza-nsoro,

Ari cyo kibaha ubujyeri*

Abahire ba Kinyinya

030 N’i Kirara-nyege cya Kirinda.

Mugumye muterekwe Karinga mu maboko,

Imiyebe yo mu Kimparage

Muragahwitana ingoma.

None ngaho wadukiza ishinga-mihunda,

035 Mu mirambi ya Nyiramutazi na Nyiramutambyi,

Nta we uburana Nyamiringa.

Uturimo tw’incwacwanya

Ngo wuhugire inka,

Mushyo wazereye kare wakazirazwe.

040 None ngaho wazaka n’impyisi mu kanwa,

Ku iriba rya Gisugusugu,

Harya izirundukanye busende

Amasenga y’i Bunyonga wamenagura.

Kanyuza ubonye Bibero

045 Yategetse uku,

Rukomera-nshotsi udukomereye ayuje,

Wowe utumurikiye Makomere.

Ko ari wowe Mukuru wacu,

We Mukuru w’Abami

050 Ba Ruhuha na Rwibira-nzibyi,

Ruhima yimana na Ruyenzi.

Ndaro ya Ndaye i Karago

Iyi ndagu yawe itashye none

Wayitubwira kera

Wayitubwirira i Mbirizi ya Gasuna,

Inzoga zije urayidukinga

Uti : henga ngere mwa Mirwa ya Kinyinya,

055 Simbahisha imfizi nzima ya Cyimumugizi

Nahahaguruka aduhete Kiramira.

Nko ku Mubuga wa Mashyiga

Azashyigure abanzi mu ngoma,

Iyi ngobyi ni yo iduhekera igacutsa,

060 Kanyoni ikiheta ingoma.

Ndaro ya Ndaye i Karagwe

Iyi ndagu yawe itashye none

Wayitubwira kera

Iyi ndagano yawe yeze Ndekezi

Yayitubwira i Shori.

Mpetera-nshozi ya Nyamunyaga-ndwi

Ruhima yicuta Rukanira

065 Ati : nkweguriye inka zanjye

Muzidahirire amazi ya Rubungo

Kavuna azagusamira.

Ndaro ya Ndaye i Karagwe

Iyi ndagu yawe itashye none

Wayitubwira kera

Wayitubwira na ya Ntwari

Yikora iva i Ruyigi

070 Ruhiga ruhagiye Masongi

I Macwa ya Mwota

Uruguma rw’ i Matyazo

Kanyuza ka Miseke

Arutwomoza umurishyo e Mugesera.

Ndaro ya Ndaye i Karagwe

Iyi ndagu yawe itashye none

Wayitubwira kera

075 Wayibwirwa n’Umuhebyi

Wakugura aye magara

I Bukenyera-ntama bwa Mugabe

Ingabe yagombye umubiri ya Muhanguzwa-ntaka.

Ni Kabunga wayijyanye burundu,

080 Inyogaruzi ya Rusaza

Joma igasazana ingoma

Ni ko uzahorana uwawe Mwami

Mwami utari shiti,

Wa Mugarura na Mugaya-mbuzi

085 Icyo nshaka ga ndakironse.

Nifuje ko iba i Nyundo buraboneka

Iyo uteretse uyimurikiye

Mpirwa kabiri.

Ndaro ya Ndaye i Karagwe

Iyi ndagu yawe itashye none

Wayitubwira kera

Yayitubwirira i Mabera

090 Ruberura-nzogera rwa Nyiranzoza ya Nyamvura

Wacukuraga Mucukuzi wa Busoro

Ni Karatsa kahunguye bakeba

Banywanyi be akabagiriza

Ukazabahuhura hanyuma.

095 Ni bwo umushumbije ku izina Kari-mu-ngoma

Rusubira-nkimba rwa Nkindi

Azasubira Ruhashi

Bati : ngwino wambuke waratindiwe,

Aho zavuye intwari za Gasenya

100 Ntugisayanye ingoma.

Related Posts by Categories