Akarere ka Nyaruguru

Akarere ka Nyaruguru gaherereye mu majyepfo y’Intara y’Amajyepfo. Gahana imbibi n’Akarere ka Nyamagabe mu burengerazuba bw’amajyaruguru.Mu majyaruguru gahana imbibi n’Akarere ka Huye. Mu burasirazuba hari Akarere ka Gisagara. Mu majyepfo Akarere ka Nyaruguru gahana imbibi n’igihugu cy’u Burundi. Mu mivugurire mishya y’inzego z’ibanze, Akarer kagizwe n’imirenge 14 n’utugali 72. Akarere gatuwe n’abaturage hafi 250.000, ku buso bwa km² 750.

Ubukungu bw’Akarere bugizwe n’ubuhinzi n’ubworozi ku rugero rwa 98 %.Ubuhinzi n’ubworozi bukorwa mu buryo bwa gihanga, k andi umusaruro uboneka ni mukeya ku buryo abaturage batihaza ngo basagurire n’amasoko.Akarere kera ibihingwa ngengabukungu by’ikawa n’icyayi , ndetse n’ibihingwa ngandurarugo nk’ingano, amasaka, ibishyimbo, imboga n’imbuto.

Uretse ibibazo by’ubukene biterwa ahanini n’umusaruro ukomoka ku buhinzi ukiri mukeya, Akarere kugarijwe n’ibindi bibazo bijyanye n’ubujiji b, ibibazo byo kwegereza abaturage amazi meza, inyubako nkeya z’amashuri, ibibazo by’abatishoboye kuko Akarere kazahajwe by’umwihariko na jenoside, ikibazo cy’imihanda n’ibigo nderabuzima, a (imirenge 4 kuri 14 nta bigo nderabuzima ifite), ikibazo cy’ingufu z’amashanyarazi bituma Akarere kaguma mu bwigunge

Imirenge igize Akarere ka Nyaruguru

1. Umurenge wa Cyahinda
2. Umurenge wa Busanze
3. Umurenge wa Kibeho
4. Umurenge wa Mata
5. Umurenge wa Munini
6. Umurenge wa Kivu
7. Umurenge wa Ngera
8. Umurenge wa Ngoma
9. Umurenge wa Nyabimata
10. Umurenge wa Nyagisozi
11. Umurenge wa Ruheru
12. Umurenge wa Muganza
13. Umurenge wa Ruramba
14. Umurenge wa Rusenge

Twifashshije

www.nyaruguru.gov.rw

Related Posts by Categories