NONE IMANA ITUMIJE ABESHI =
PUISQUE IMANA CONVOQUE LES ELITES
Ce poème fragmentaire du même Mutsinzi est présenté au début de l’intronisation du roi Kigeli IV Rwabugili. Bamenya, le Préfet des Poètes de la Cour les a convoqués pour leur accueil commun du nouveau roi. Le roi défunt, Rwogera, est supposé avoir été empoisonné. Mutsinzi dénonce les régicides et leur promet une punition exemplaire. Il annonce aussi sa prochaine mort par raison d’âge. Il recommande au nouveau roi la bienveillance pour ses enfants.
None Imana itumije abeshi*,
Twitabe Abami b’i Tamba-nguge*
Ngo dukorane twese Abanya-nganzo.
Ngo twitabe Nyabatende
05 Ingoma ya Mutara,
Dutarame ineza mwa Gahindiro imbere.
Ndabukire Umwami wimye Rugina*
Mwebwe Bagina ba Mugina na Mugera-Nduga.
Ngo adasuzugurwa no hanyuma.
10 Uwanze gucibwa inka arabyara
Tugaca ibyaro imigisha.
Yakabyawe n’Umukwiye
Nyina akaba umukono wavutse zakunze
Tukamukurira inyovu.
15 Ndabukire iyi Mana yunamuye u Rwanda
Rwabiza-ngoma rwa Ngozi ya Karume*,
Inka zagashe kuvumera
Ngo zitararana i Kankobe.
Kamina ka Nyiramikore
20 Yikoze gutabara.
Burya ntibwari ubutoni busa
Kwa Bugingo na Nyirabuhanzi,
Na we yabonywe kare na Bwimba.
Havutse n’intwari,
25 Ya Ntambara ya Cyamatare
Uwaduturuye Rubanda.
Mugabo muzima udushingiye umugani
Ungana uwa Gisare*,
Cyadusigana amapfa kabiri
30 Umunsi wima uraturamira.
U Rwanda rwa Rwango-ruke
Uraduhumurije Rubanda.
Noneho udukuye mu iziga
Muzigirwa wa Nyiramuzima wa Mutima.
35 Reka nkuvuge,
Warimye unyuze Rubanda,
Usa na ba so abaguhweje.
Muyange na Nkanda-nshya
Warimye umaze Rubanda agahinda.
40 None ubu yatugombye Mugomwa wa Mugoba-ntaka,
Aradukumbura atuma Mwanga-kuyobokwa
Ngo tuze tujye gutamba kwa Kirezi.
Ikirozi kiradutse ku Mukunda-sumba.
Karame, Bugiro bwa Rugaba
45 Nkwitabanye n’izanjye ncuke,
Kabone n’aho nasaza
Uragasagamba ubujyeri.
Ubugingo bwaza nkigaba iyo nahatswe
Mba ngiye nta mikoro,
50 Nkazakamira aba.
Nkubwiye uko bizamera
Ngo nticarana igihemu,
Nkakwanga ndagahumanya iyi ngoma.
Wakwima ngo ngende uyu mwanya,
55 Mba ngiye anyise umwanzi
Bugabo bwa Kanyura-ngeri.
Sinagusiga mu rwangano rungana inzovu,
Uhawe Nzobikeye
Nzaguhiganira inzigo.
60 Nibarebe iyo bizika
Ubwo wenze ingoma,
Nta gukira kwabo
Nje kukurakaza ishema.
Ko yagaganije imvura
65 Ruvuza-ngoma rwa Mikore
Ko ikubye ikanyagira. .
Abanyakantu mu mubiri
Bikwiza he abatase,
Ko itambagije amarebe
70 Igatongana ku Mugongo ruguru,
Ko mbonye ijuru rirakaye bagakubana
Nkomati azabamaza inkoni.
Ngo hari ho n’abandi
Basangiye amahomvu,
75 Mahe ya Ntarwango aza kubahonda.
Sem comentários:
Enviar um comentário