Ibisigo Nyabami- RUREZI -URUGO YIVUGIYE MWO IBIHUGU

URUGO YIVUGIYE MWO IBIHUGU = LA RESIDENCE DANS LAQUELLE IL A VAINCU LES NATIONS


Ce petit poème « Ikobyo » est une description admirative du palais royal de Rukambura au Nduga. L’intérieur était drapé de perle et d’ivoire tandis que l’extérieur était couverte de tapis de vannerie.

Urugo yivugiye mwo ibihugu
Ruvuganya-busoro rwa Nsamira ya Busage,
Uhagaze abanzi ku ijosi,
Rwambaye umucyo ruramuje inyange
05 Rureze n’Imana ruhatse ibyaro.

Rugaseka rusukiranije imisengo n’inzobe
Mu nziga nkuru kwa Nyiranzihira
Na Nziga ya Rumeza,
Urwo rurera imbere rukambara ingeyo.
10 Mu nkike rukaba imenge,


Mu ngoro imbere hakaba urubaye-nzu
Agasaguka urushya,
N’ingombe agombekeye mwo ibyaro
Rugomoka rwa Mugabana-banyoni wa Mutagoma,
15 Uru rugo duteretse rwera imitavu i Rwenga.

Uru rugo ni urweru rukaba Urwanda,
Ni urwunge Mutara ni we urwubatse
Ruramwizihiriwe.
N’ibikari byo bidakangarana
20 Bya Mukanga-nkwakuzi wa Nyiramukuka

N’amarembo ya Birorero
N’amararo ya Mukayuhi bataramiye mwo,
Ntege-bose arusha imiryango ibirori.
Rero tukabarusha n’ubugabo
25 Bugondo bwa Mbangira ya Mugera-mbuga,

Ntibatwigerageze ku iriba.
Turabarusha n’abagabo babwira ingoma umugambi,
Mugaga wa Nyiramukozi na Mukora-ndashi
Ntibatinde bakayishokera.
30 Turabarusha ingoma yimitse inzeru,

Ingoma ya Ngezimihana ya Mugera-mbuga,
Ntimubeshye Mugina yimitse umugabo.
Imenyera umwe, ikamutora Mutukura
Na we agatunga ab’amakeba,
35 Ikitwa imbata yawe.

Tubarusha n’inka nziza zera zose,
Za Nzabarara za Kazina-nshuro
Ntizitangwe zikaba imbata.
Tubarusha n’umushumba uragira inzira
40 Zama i Bwami bwa Buhungiro na Bwoba-buke,

Uwazishinzwe zikamushimira inkuyo.
Tukabarusha n’Umubyeyi
Wizihirwa yenze ishyira,
Atetse agatekuza ibyaro.
45 Abarusha n’abagore Rugorora-mabano

Rwa Maza ya Mabara
Bahagase imana mu byano.
Rugira ni umutegeka
W’urugo rwa Mutamura de,
50 Ni umwega utijanwa

Yakabyaye uyu Mwami.
Uwe wabyaye Rwabunga

Rwanze isuku n’isoni,
I Sanzara-nyenge
55 Rya Busuhuko na Sabuhanzi

Abarubonye bagasamara.
Ndacuna sinîmîra
Ubwo ndagiye iya Buhima
Irahingamiye imiryango.
60 Arabasumba Ntabwoba

Uyu Mwami wa Rweza-mbuga,
Rwijana-jabo rya Mushika-ruge
Bîshyogoza barwanira ab’amakeba
Nta we uzamvumereza Maza ya Ruyege.

Related Posts by Categories