NUMVISE IMYAMA Y’INGOMA = J’AI ENTENDU LES ECHOS DU TAMBOUR
Ce poème «Ikobyo » fut composé vers 1893, le dernier de Singayimbaga. Il est dans la ligne des autres qui célèbrent les victoires. Cette fois-ci, il parle de l’exécution de Nsoro, roi du Bushubi. Arrêté par trahison, il fut conduit à Ruganda dans Kinyaga, où Rwabugili tenait sa Cour et fut massacré avec sa mère ainsi que d’autres chefs du Bushi.
Numvise imyama y’ ingoma ihera i Bwami
Ku Rwama-ngoma rwa Bareshya,
I Nyabayango ya Ruyege rwa Nyamirango.
Numvise ishema rikambije
005 Rya Mbuga ya Rogora,
Nti: Rugina i Nyaruganda
Ishubije imyasiro.
Numvise n’imisumba iharuza
Mu buhigiro bwa Nyamashyo,
010 No mu By anga-kuzika bya Nyakabuye.
Numvise ubukombe bukubitanye ishinja
Bwishe ningoga,
N’ibishare bibanje ingoma
I Nyabishambi ya Mushikiri.
015 Nimwumve imyato yakwakira
Murehererwa yarabambaye.
Nibarembere inkomo
N’urukuge rwacu irakambuye,
Rukanika-mihana, turi mu mihigo
020 Na Nyabihe bya Mibuga.
Aho murakaye urwango
Mpafashe intambara.
Abakwanga ndabaroga
Urukongi rukabakenya,
025 Nkoni ya Rwingoga
Iyi ngoma yangororera .
Ni ko mutwara iritagonya
Iry’indekwe, iryo nsagurira
Rwasira-ndwi rwa Minega,
030 Ubwo umaze gukwerera urarikakiye.
Rukage , ubambaye
Aya Rukoba n’aya Rukimbira,
N’ay’intwari zo mu mikunga
Rukorera rwa Nyirankanda na Nkomane,
035 N’ay’Umushi wa Kabibi
Umusotse Karinda,
Na Nyakazana na Nyirabaganuza.
Utwicira Abashi bo ku Itambiro
Usanganya inyanja.
040 Sugi , twari mu isibo ya Nsoro
Dukurikiye isugi ya Sane
I Busanza bwa Segege,
Ku Bisi batwaye Rumuri rwa Biranga.
Impamvu iba iya Byotero
045 Ateranya Imbuga,
Mbuge urubibi wayambitse iyo micuzo.
Mwabaye akananiranye mu bindi bihugu,
Kamara-shavu kanshimy-umuheto wa Mihisi ,
Ibikorwa watwagukiye bizabagumira.
050 Si abakuru si abanone
Agati washinze,
Mudakemwa wa Nkwanzi
Uruta imiryango.
Rushemeza-myishywa, Rushagarwa-biranga
055 Rwasha wayambitse,
Wayirasaniye uri muto
Mu Byaguka bya Mpumbya,
Bakuvuganye impingane.
Aho witiwe Mashema ya Rwato
060 Uzira kuganzwa mu nka.
Ni ko abarusha urugero n’urugango
N’urugo ruhagaritse mu Ishyama
N’urushyana rw’ingoma
Mu rwanaga rw’ingoma n’impundu.
065 Ku ngoma nini ivuga itsinditse
Ngo yatsinze Nsibura.
Umva ibigwi bya Kiburiro
Iravuga zigahora.
Ubonye izi nkiko zose
070 Ugwije imikambira,
Rukanika-joro rwa Jabiro rya Maraha,
Nimwumve imango
Ziri mu Bucuranya-mivumba.
Abahinza barahera ingoma bahunga
075 Ngo iyo bumva Ruhingo,
Iyo bikwiza imiheno.
Rwamba , muhungira he Nkirirwa he ?
Ya Nkomati ya Nkomane ya Nkima,
Inkuba y’umuhimba
080 Akarambuye umutari.
Aturuka mu gacu kazira amazi
Yinjirana ingabo n’indekwe,
Ngo nimwumva yaje iyo
Muramuhe umuntu we.
085 Nimugira igani, abashoreze inkweto
Mpungerwa ya Rukira-mapfa,
Iyo nkuru Nkurunge
Ihita i Bunyambo.
I Bunyoro n’i Bunyuzwa-mato
090 Ngo: uyu Mwami ucuranga ibyuma,
N’abazacambirwa iyo,
Aho azabacocora.
Kirasana , Kirasohoka musangiye ingoma,
Ashinga umugani mu Nyakabuye,
095 Arengera Mirama
Na Mikako ya Nyanguge,
Rubona abaye urugoma
Mu nzira ya Ngoma.
Urya munsi Rubanguka
100 Yagenzaga Rubunga i Nyamakamba,
Rukoba amwimye inzira amutsinda i Mukwikwi.
Ubwo buba uburiza bwa Bugabo
Abumurukira Bugondo,
Iwa Rugema-myato.
105 Mwaga yaguhaye inimu
Iryo kurihimisha Abahunde.
Udukijije amashinganye y’inkunguzi,
Inkoma washeguje akana kayo,
Nuzigereka Karinda araguye.
110 Umva Rugina ishumisha ibikondo,
Makamba we yayishakiye mu Bugwano,
Rushema, mwahangaye
Wayimariye urubanza,
Kibanza-mbuga iragiriza mu Buzi.
115 Wayibanje izo kwa Nzira,
Uyisakaza imitumbi
Y’Abishi b’i Temba,
N’i Tembura abayitutse.
Watunyagiye Rubuga-Byuma
120 Ya ngabe bashyingiriwe kugusenga.
Wateretse n’intwari
Mutara wa Kavunwa,
Yayambitse ijosi rya Bahugama.
Mutimbuzi aguhawe
125 Akunyagira umuterero wa Nturagaza,
Ntarucamba ari mu kigwi cya se.
Wazigize imiroha zose
Izubashye n’iziza
Muteri izazitunga.
130 Ruhimbana aguhawe akunyagira u Buyogo,
Ubukunzi n’u Bwuzuza zirakuzi.
Umva umusango wa Muringa
Ntiwivuga ibinyoma,
Ruyenzi ufite Biyoro.
135 Abahandi nibaguhungire ho
Abataguhongeye ugumye ubahonde,
Abasigaye ni icyumweru ukabamarira.
Sem comentários:
Enviar um comentário