Ibisigo Nyabami-Singayimbaga-ZIHORANA ISHYA

ZIHORANA ISHYA = LES MILICES RWANDAISES ONT TOUJOURS LE SUCCES

Ce poème fragmentaire célèbre en vrac toutes les victoires remportées sur le Bushi, spécialement par Rwabugili.

Zihorana ishya zifite Imana

Izi nkungu za Mwikorana-bukungu,

Wa Mwikomera-rume na Cyera-bato

Munagana yigura inkungu na Kiremba.

005 Ye Barenge b’inkungu za Mukiga

I Rukiga bigura Nyabarinda i Butara,

Zitagaranya imihana y’abandi bami

Zifite imigisha zimirije imbere.

Izi nkungu z’abagabe

010 Bo ku Mushyana-riva kwa Bugondo,

Izi ngina muzigirira ubwimba ku bugabo

Aho abandi Bami batateje,

Kigeli we yahagize ibigishiro by’ingabe.

Ubwo azanye Kiragutse na Rwiharira

015 Zibyirura intwari zifite Imana,

Izi Ngomba-bitambo y’abandi Bami.

Bitete bya Bitondo

Zitwa ingomba-mutuku,

Zatukurizwa mu bene abo ntiziruhuke

020 Zitabanje gupfakaza ingoma ku ngeri.

Bo ntibarora izo nkiko zose

Wakwije imihana Mihunga,

N’imihayo y’ibihugu waramukanye,

Ruhitana-banza, Mitana

025 Izi ngaru zawe zigaruye ibyaro.

Rweza-nkebe azambutsa intahira

Intagegera za Rwica-mugoyi,

Zivuga urwunge yacuze inkumbi,

Zifite inyumbi tuziha impundu.

030 Izi Nyura-bami Mugumya azinyuze mu nda

Umwami ugaruye ibihugu,

Yeza imana ihorana amaboko.

Mwe Banyabyere ba Cyihongera-sine

Na Cyirongora-ngashya,

035 Bacengeranye na Cyiyongera-ndeka.

Batega imibiri mu Kibatsi

Iyo miriro y’inyamyeru ikazabatera ikirumbo,

Imbere mu Rwihongera-suku.

Data Rusatira-ntambara

040 None izi nkungu zipfakaje ibihugu,

Uzikwese ibikondo

Aranyuzwe Byirabo na Ruserera.

Baranyuzwe ababyeyi b’i Gitamba-ntete

N’i Itanga-ntaka na Cyuhira-kare,

045 Nkirirwa-he jye wakugenjeje tukagendana.

Zavuze iryaremwe n’Imana n’Umwami

Banyabanya ba Kibura-bucya,

Zeze zikamurangira inzira.

Zazigamye indagano yanyu,

050 Idakuka Imana n’Abami

Bo ku Gishingura-mvura cya Gihugu,

I Buniga-ntozo.

Aho zibagabye ntimugwabire

Muri abagabe bo ku Mugwaburura-ntama,

055 Hakaba kuri Cyumuyaga na Cyuzuza-ngabo.

Ikambara, Batarambirwa ba Rwambikwa

Imana yabayoboye inzira ya Gihamo,

Ruhamo yivugiye ku Muhama

Zimutsindira abazirwa.

060 Nyamuzirirwa Bazigwa-mutwe

Ba Kizigira-ntozo na Kizigwa-mbone,

Batsinze urugomo rwa Kizigama-nkweto.

N’iteka muhirwa n’urugendo Abagabe

B’i Mabara atabarika,

065 Iyo bajya gutsinda imihana.

Imigisha bayironkera ku rugendo

Abami b’i Rwanda rwa Vugavuge,

Rwa Ndanyoye, Abanyagasabo.

Data Ruzindukira-gutsinda

070 None izi ngendanyi zanyu,

Zirangije intati

Uzambitse Rumenyekana-mu-Misumba.

Ndaje nkuvugire amacumu

Nyabwire iyi Nyabusigi

075 Ya Busuhuko bwa Sebugabo,

Umugabe wa yambitse Ntuku ubwambere

Ayibanza umusango w’i Gara.

Rugarura-migisha mu ngenzi

Yivuga Myera na Nyakazana,

080 Nzira amutoboza urusoro

Ayo macumu warwanye

Kirasana mu Base cya Musindi

Yayarwaniye Nyamurunga.

Baranyuzwe ba so bose n’ingoma zose

085 Ngo kurya bucya uzigwirije ubugabo,

Zakugwije ingorarano.

Ngo ihutire mu ruganda

Uyihundishirize umudende,

Iramusumisha ibikondo.

090 Aranyuzwe Byirabo na Rusera,

Baranyuzwe ababyeyi bose

Aranyuzwe Nyirarwisuku,

N’Umwami yabyariye i Nduga

Itsinze rirava ku ngoma.

095 Baranyuzwe Abagabekazi

Babyiruriye ingoma Abagabe

Bataribubangikane n’ibyaro.

Baranyuzwe i Renga na Kibanyenzi.

Data Rubyagurura-ndekezi,

100 Rusanganwa-migisha mu ntoki,

Uri intoranywa y’intwari.

Uri ingarigari y’Imana,

Imana zarakwiroreye

Zikwita Nyamuremwa-wenyine.

105 Ngo ugumye uremere ibihugu byose

Imihana uzayihaka buja.

Komera ukomeze ga wambike Rwiharira.

Zirabara ibyambu washinze,

Ubwo umaze gucira inka ibiraro

110 I Ngezi ya Cyumba.

Related Posts by Categories