Ibisigo Nyabami-Singayimbaga-UBWAMI BUGIRA UBWOKO

UBWAMI BUGIRA UBWOKO = LA ROYAUTE EST LE PRIVILEGE D’UNE
SEULE LIGNEE


Ce poème d’ “Ikobyo », le premier de Singayimbaga, fils de Nyakayonga, fut présenté à Kigeli IV Rwabugili. Le poème est dirigé contre un groupe puissant des partisans de Nyamwesa soutenu contre Rwabugili. Le pauvre, avec son frère Nyamahe, eurent les yeux creuvés pour les rendre définitivement inaptes au trône. Le poète soutient la thèse traditionnelle de la royauté héréditaire.

Ubwami bugira ubwoko
Bwoko bw’Imana,
Rugira yareze ikumera mu nda.
Abibeshya ngo ni Abami batabuvuka,
005 Ruhirwa yarabahinze

Ibagize imyambaro Ruyenzi*.
Ibigeni Abagabe Rugira ibagira
Bigumira abandi, Mabok-ijana
Ya Cyirongoranywa-mvumba*
na Gikamirwa-moso*,
010 Ibigeni byanyu bigumira ibyaro.


Imana yagwije inka,
Yabanje kurema Abami
Aho bamariye kwima izi ngizi,
Ibereka imigisha.
015 Umwami utsinze

Arongoza imbari* imyishywa*,
Barongorera b’inka ya Rubori mu Rweya*
Muramutswa-mbazi azorozwa iyi miryango.
Azirongoza imyishywa
020 Asize indi mu ijabiro ry’ikinani,

Akibwira Abami icyo yamaze
Bugacya yambika ingoma.
None Umwami anshubije mu rubuga
Na njye nsubiza inganzo,
025 Mvuge imyama, Bakoranura b’umugore

Wa Nyamudaha na Mutara-zimwe.
Bararanuza Nyandenzi mwa Nyenzi.
Ansubiza impundu mu mutwe,
Mufitiye n’ubwuzu bwinshi mu mutima,
030 Bayabuza ba Kirezi bamuganuza kwima,

Izi ngoma za Cyimye abavugusi*.
Nabonye aho inama y’Imana
Isumba iy’intati,
035 Basimbura ba Mpuga,

Bahiguza bateye Rukara i Mwendo.
Ngo atarambirwa Mpige-mw-ijoro
Ize igomba imyambaro y’i Nyabayange,
Bikazirambira ingabo
040 Nzobe iri nyange.

None unyatuze izo mbandwa
Nta mazinda nagize, Bwibare,
Bwirongoranya Mikara-miyobe mu rwango,
Mujya kwangira imbago Rwakuzwa-mbare
045 Ngo arote twe Bugwe-mpinga.

Mbiribiri z’Imana,
Ngizo impundu zawe
Izo ndazihorana wacuze inkumbi.
Ingororano z’intwari ntuziga,
050 Uzihorana mu ijabiro.

Nakugiriye impaka Mpinga
Rwimpuga yagombye Rubaya,
Mu Ndoro ebyiri.
Data mpogo ijana mu mpuga
055 Nkindi ngo muhe impundu,

Yacuze inkumbi,
Agaruye inkungu.
Aguhese ingundu
Baranyuzwe Abiru, Shikiri*
060 Ingoma zihorana imirishyo yawe.

Muhorana urukoro rw’ingoma
Ntaho ncyumva abahinza,
Ruhitana-banzi arabahinga ubudehe,
Ingoma zikabambara.
065 Atekereza abahinza

Ubwo ntaryame ngo asibire,
Ntasibire atabasumiye
Akabasozagurira kubamarira.
Basigaza n’ishibu yabo
070 Iyo nyayorore ngo izabundure,

Yarangirwa iyo yarindiye akayirandura.
Uragurira Umwami utsinda iteka,
Azirusha Urumuri
Rumurika vuba nk’umurabyo
075 Ni rwo rubura abatamukunda,

Rukabamenya ingeso mu nda bafite.
Bokere tubahe inkongi,
Mpagarikiwe n’inkuba
Izirusha umuriro inkiko zose,
080 N’abaturutse imuhana

Bakarahura mu we.
Bakenyere ku ishinjo
Na njye ngumye mbashinje,
Mpagarikiwe n’inkuba
085 Ihindira ibyoko byose,

Abafite intimba
Abo ikabatemba umugezi mu nda.
Aho batoranye amatungo y’Imana,
Bihitira mwo ko bucya bakigaba
090 Aho bibwira kuzatubya nde ?

Ucumuriye Umwami atubya mwabo,
Ntacyo atwara igihugu,
Mureherwa bucya yunguka ingoma
Akongera mu ze.
095 Iyo bajya gupfa

Ntibashishwa ni Imana ituma bapfa,
Bagoma kandi yambika ingoma iteka.
Ko imunyagira n’amaboko menshi
Igashyira mu yo asanganywe,
100 Abayoboke bazatunga

Yuhi akabongerera inka.
N’abatamukunda arazibaha ntazibima.
Aragumya akabahata inka n’ingabo
Bamara gusinda ibisazi,
105 Bagasaragurika*

Basinda rimwe ntibasinde kabiri
Bagira Ruremba* imbere y’impuhwe.
Yabona bubuye ingeso
Inyabihu* ikomorokana na bo.
110 Yarangirwa iyo yarindiye akayirandura.


Uragurira Umwami utsinda iteka
Ntagihimbiraho indagu,
Nkirirwa-he ibihugu ni we birahira
Ngo yarabipfakaje byose.
115 Yarabicuje abagabo

Ingoma zirabambara.
Yabishe ubudasiga kibara
Yabasaruye ubutabasigira indamyi*,
Aboreye ni bo bamuramije mbere
120 Ingoma zibambarana ishya.

Yarahiye Rwambara-ncuzo*,
Ko atabangikana n’abandi
Biswe iryo zina ry’Ubwami,
Ngo: ubwo abahoranira impundu n’inkomborera,
125 Zikabona kunyurwa ingabe.

Yamara gutsinda
Induba zikarobanura mw’iyambara.
Arotera ibihugu,
Akaba abiteye icyunamo
130 Na ba nyirabyo yamara kubahenura,

Akabyongera mu cye.
Ni cyo imana zimuterekeye,
Ntasemburwa, ntasongerwe
Agira isengero ry’abamwigera,
135 Ingoma akazibishyura na we.

Agira n’irango* rikaba mu ndoro
N’urumenyi* agira mu bitugu,
Rugatuma yigarurira ibyaro yenda.
Agira n’irindi rango,
140 Rimurangira aho barengera,

Ngo atabumvana ingoma mu nka.
Bakimuhungira he handi
Ko ntaho ashigaje ataragarura,
Ko yabatanze mu ndiri z’i Busiga-byombi.

Related Posts by Categories