Ibisigo Nyabami- Yuhi III Mazimpaka-BANTU BANSIZE MU NGABO

BANTU BANSIZE MU NGABO = O LES HOMMES QUI M’ONT ABANDONNE AU COMBAT !

Ce poème est dans la catégorie “Ikobyo”. Dans l’évolution de sa maladie, il devint dangereux et les gens le fuient. Le présent poème atteste son état d’isolement de la part de son entourage et c’est de cela qu’il se plaint.


Bantu bansize mu ngabo,
I Ngozi ya Mugore na Mugambwa
Mukajya i Ngwegwe.
Nshuti twimanye z’i Ruyebe
05 N’i Rukindo rwa Rwinkara

Mwivumburiye iki ?
Atari nkana mungiriye,
Inkingu ya Rukaga-ncuro
Rwa Rwingwe rukamurangiza.
10 Atari ubumwe bwanyu mundushije,

Ishurumbu rya Gisumbya-ngabo
Ndabwirwe.
Nkagira n’izindi nshuti
Zinsigiranye mu ntambara,
15 I Ntarabona ya Rukuge na Ruvuzo

Mukava mu ndagano.
Nshuti iva mu nda ya Nkobore,
N’inkovu icitse ya Nkushya
Mwivumburiye iki ?
20 Icyo ni icyenge mugiye

Cya Cyusa cya Kintwari
Cyo gutungwa na Kigir’indwi
Ari we ubareshya,
Nabakuye mu Burekera-nzwiri bwa Rwinyoni
25 Nkamenyetsa imvano.

Uzamenye mutancumura kabiri,
I Bazwa-ngabo rya Kanyura-nkiga
Na Muka-Kanyura-mahamba.
Muzabwire Kanyonga
30 Mu Gasobanya-ngohe ka Kamu,

Muti :tumuhoye ubusa.
Muzamenye mutampeta imvuro,
I Mpeta ya Ndahotoye
Mwajyanye impeta iwa Mpumirizi
35 Muzirikane inka n’abana mwanyanganye.

Inyonga yabagiriye murampakanire,
Muzampakanire uburya-rugo nabagirira
Mu Buremba bwa Butatsi n’iwa Nyirabwiru
Murabunyere.
40 Bambe atari imvuro yampinduye ingore,


I Ngogoma ya Ngaya-mbuzi
Muramburire.
Unteye imbeho kirambu
Cya Kibogora-mitoye na cyumya-myaka,
45 Unsarurire mu Nkingo.

Reka nangwe koko
Ndabyutsa ab’ingurane ya Rwango
Mu nzu mwa Ruharage,
Nakungitse n’ahatankundiye.
50 Mayabuzwa yagera iwa Cyuma-gikanira,

Nimanye n’ibikenya,
Rugunga ruzava i Nyarwoba,
Bitutu bo na Bitambo
Mwajyana i Nyabisange bya Sebucumuro
55 Urabandamukirize.

Related Posts by Categories