Nyakabwa Lucien

Rubundakumazi
Indirimbo ya Nyakabwa Lucien



Rubundakumazi iyo ugiye unywa nkeya

Ko wanyishe nabi uko utashye ugahonda

Iyo nywa ugasinda witesha agaciro

N’abana wabyaye bakaguseka



Uva mu runywero ugatara amagambo

Byalimba ugahonda nk’uhonda imbwa yiba

Ugacira mu maso, ugatera amakofe

Ugatora ibibando ugatimbagura



Njye ntabwo nkilyama narembeye mu nzu

Indwara narwaye yambayemo iminsi

Watora ifaranga ukajya kurinywera

Wataha ugahonda nyiramiruho



Rubundakumazi, ko usinda ukarwana

Wabyuka ugasanga utabasha kuhinga

Abana wabyaye ko nta kibatunze

Bazicwa na bwaki kubera wowe



Rubundakumazi nakwemeye kera

Kubera urukundo nari nagukunze

Urwawe rukundo maze kurureba

Ngiye kugwa iwacu ube amahoro



Rubundakumazi ko wanyishe nabi

Uko utashye ugahonda nyiramiruho



Iyo unywa ugasinda witesha agaciro

N’abana wabyaye bakaguseka

Related Posts by Categories