Biturutse ku mutingito washegeshe igihugu cy`ubuyapani mu ntangiriro z'ukwezi kwa gatatu, habayeho guhumana kw'ibidukikije muri kiriya gihugu gukabije ku buryo ubu ngubu hari n'impungenge ko ingaruka za kuriya guhumana zagera ku isi yose.
Ni muri urwo rwego abashakashatsi n'inzobere zitandukanyhe bari kwiga uburyo bwo gusukura ibidukikije mbere na mbere amazi y'inyanja ya pasifika igihugu cy'ubuyapani gikoraho.
Igitangaje ni uburyo bwo gukora uriya mushinga aba bahanga bari guteganya kuko bari kuvuga ko bashobora kwiyambaza ibihumyo cyangwa bagakoresha ikindi cyatsi gisanzwe gikoreshwa na bamwe nk'ikiyobyabwenge : urumogi !!!
Nkuko bitangazwa n'inzobere Paul Stamets usanzwe uzwiho gukora imirimo y'ubushakashatsi ku bihumyo, hari ubwoko bw'ibihumyo bishobora kwifashishwa mu gusukura kariya karere bitewe n'uko bitungwa n'ikinyabutabire Cesium 137 kiganje mu mazi kuri ubu.
Gukoresha ibihumyo byasaba kubanza kubifata bigaterwa ku mbaho z'ibiti zifite hagati y'umubyimba wa santimetero 30 na 60 hanyuma izi mbaho zikarambikwa muri ariya mazi ahumanye kugeza ubu, hanyuma zikaza gukurwamo nyuma y'igihe runaka.
Ubundi buryo buteganywa gukoreshwa ni ubwo gukoresha igihingwa cy'urumogi (cannabis) kuko ngo kizwiho gusukura ubutaka gitewe ho neza cyane. Ibi byagaragaye mu wundi mugi wa Tchernobyl nawo wigeze kwibasirwa no guturika kw'uruganda rwa nucleaire. Gusukurwa byo byagerwaho ari uko kiriya gihingwa gitewe ku butaka bwose bwa ziriya nkegero, uyu mushinga wiswe "Fukushima Weed"
Sem comentários:
Enviar um comentário