1. Umuntu yarapfuye ajya mu ijuru. Ahageze asanga hari ikizu cy’umuturirwa ab’ijuru batuyemo, abakoze ibyaha bike kurusha abandi akaba aribo babanza muri niveau yo hejuru, ababakurikira bakajya muri niveau yohasi, bityo bityo. Wa muntu ngo arebe mu kivunge cyabyiganaga muri rez-de-chaussée(inzu yo hasi), atangazwa no kuhabona padiri baziranye. Niko kumwegera maze aramubaza ati : ko njye nshimye ndi hano, wowe byakugendekeye bite?” Padiri niko kumusubiza anize ijwi ngo adasakuza ati: “vuga buhoro musenyeri atakumva, ari muri cave!”(bivuze ko musenyeri yakoze ibyaha biruta ibya padiri)
2. Kera abapadiri bakijya gusura amashuri, umupadiri w’umuzungu yageze mu ishuri asanga umwarimu yigisha abana ubwoko bw’imbuto ziribwa zihishije n’iziribwa zidahishije. Abaza buri mwana urugero rw’ikintu azi gihishije. Umwana umwe atera urutoki maze arasubiza ati “Padiri mwari!”
3. Umukobwa wiyandarika yabuze Bus imuvana i Kampala ngo imugeze i Kigali maze yiyemeza gutega lift, ku bw'amahirwe ikamyo irahagarara iramutwara. Iyo kamyo rero yaje guhura n’ibibazo bituma barara mu nzira kabiri kose. Bari kugera i Kigali, umukobwa aba aravuze ati "buriya ejo nzahita njya kwicuza icyaha cy'uko nasambanye gatatu". Umushoferi, ati "kereka niba hari undi mwaryamanye kuko jye ndibuka ko ari kabiri gusa!" Umukobwa amusubiza ababaye cyane, ati "ubu se koko turatandukana tutongeye?!"
Sem comentários:
Enviar um comentário