Isi dutuye iboneka ho ibinyabuzima bibarurirwa ku mubare utari munsi ya mmiliyoni 8,7. Muri izi miliyoni, 6,5 biba ku butaka naho 2,2 ni ibinyabuzima bibarurirwa mu mazi.
Isi ni umubumbe w'ubuzima. Ibi biragaragazwa n'ibyavuye mu bushakashatsi bwakorewe muri USA, byatangajwe kuri uyu wakabiri mu kinyamakuru PLos Biology. Muri ibi binyabuzima ibizwi neza na muntu bibarurirwa kuri miliyoni 1,23: ni ukuvuga 14,1 %.
Iri barurishamibare ryakomeje kutavugwaho rumwe n'impuguke mu binyabuzima, aho wasangaga nta mubare uhamye w'ibinyabuzima watangwaga.
Haracyari byinshi byo kuvumburwa !
Nkuko ubu bushakashatsi bukomeza bubigaragaza, inyamaswa zibarurirwa kuri miliyoni 7,7: 953 434 gusa nizo zizwi ku buryo buhamye.
Ibihingwa bibarurirwa ku bihumbi 298 mu gihe 215 644 aribyo byamaze kuvumburwa no kwigwaho.
Ku rundi ruhande, ibihumyo (champignons et moisissures) byo bibarurirwa ku bihumbi 611; ibizwi ni ibihumbi birengaho 43 gatoya. Aha ntitwavuga ibindi bihingwa byitwara nk'inyamaswa, ibyinshi muri byo byibera mu mazi n'ahandi hantu muntu adapfa kugera ku buryo bworoshye.
Ikibazo n'impugenge biriho ubu ni ukumenya ibinyabuzima, byaba ibimera cyangwa inyamaswa biriho ariko ari bikeya, bimwe muri byo biri kuzimira (extinction).
Nkuko bitangazwa na Camilo Mora, umwarimu muri kaminuza zitandukanye za USA na Canada, buri kinyabuzima gifite umwanya n'akamaro byihariye mu mibereho y'isi ku buryo ari ngombwa gusigasira ibiri mu nzira yo kuzimira. Kuri we asanga hari ibishobora kuzazimira tutaranabimenya.
Sem comentários:
Enviar um comentário