ABAMI BACU BAGIRA IMANA ITSINZE = NOS ROIS
INVOQUENT IMANA QUI LEUR ASSURENT LA VICTORE
Ce poème « Ikobyo » fut offert par son compositeur Bikwakwanya à Mutara II Rwogera peu avant la conquête du Gisaka. Le poète annonce cette victoire.
Abami bacu bagira Imana itsinze
Nsinzi ya Nkoni ya Rukorera,
Zagendanye na Rukanda-bikobo.
Rugenza-mburi yaragiye
005 I Bukabuza-yombi bwa Nyamato
Bakahatsinda iryo shyaka.
Nzi n’uko batsinda batari butsimburwe
Abazima bo mu Biti-bitsinda,
Kwa Rugondo, Abanyarutanga.
010 Ntibagira ntibagishe
Abameze Cyimiko na Kinkobe,
Bagahonoka imigisha.
Abagabe bagira inyemera
Bemera b’umugabe,
015 Mirabagwe ya Marabana
Yahabamejeje ku Rumbya-guriro.
Umva batware bagendanye na Ntegure,
Ngo muzane Muteri na Ntezayambere.
Nzi n’uko adukingiye ingabo y’urutare
020 Mugabo udatendwa wa Mutarumanza,
Ntiyatetereje Murunga.
Murebe umugabo umaze inka ubwiru
Cyuhira yavuje ibyo ku Cyanika,
Agaca ibyangwe.
025 Ruhamya abonye ko Ruhumura
Ari we nyiri uruhanga,
Ruhumura ibindi bihugu
I Ruhagarara-nkobe rwa Mibuga,
Ntiziragatana mu kwenda Mutega.
030 Uzacanuze abibeshyaga ibihugu
Weho wateretswe n’intwari
Ya Ntekuj-abayege.
Mutezi izi nka ntizigutonda
Uzikamiwe n’uko utuye,
035 Impinga ya Bufata-mpuri
Warazambuye i Nyabarinda-nzu.
None ubwo ugarishye zikwihese
Nibihebe abaraye i Nyankona
Inzira ya Ngozi irasibye.
040 Zasutswe n’umutima inka
Iz’i Nkoma iwa Rukaba-zuba
Zishaka kujya i Mugongo wa Rugeyo.
Zirakubana zimwumva hafi
Nkumburwa ya Nkindo,
045 Ab’i Burenga bagatamarirwa.
Ntabangikana n’abandi
Mugendera-kuruta wa Rugira-jabo,
Wa Ruhanga-ngabo rwa Rugaba
Iyo ngangare ya Nyabatimbo,
050 Nibarwane biyimbire
Magondo ya Rweru,
Nta bwo azitiranywa mu byaro.
Mudahuna watugwaburura vuba
Nko mu mpinga ya Kiretsa-bwenge,
055 Waraduhumurije waduhaga ibihumbi.
Uratsinde amacwa n’amacumu y’abanzi
Muhire wa Mwera-mbuga,
Imana izatubera inyundo.
Nzi y’uko baduhoranira urugori
060 Abanyarugabo b’i Rugaragara,
Bwa Nkuba ya Biraro
Bazaramba ku migisha.
Abami b’i Shurumbu batumye
Ngo inkwano mpatsi zose,
065 Ziheta inganji kari ijana.
Ntizirakagira imisigi inzeru
Zo ku Rusigarira-mvura rwa Ruyange,
Zeze urwunge zihese mu Rwanda
Nk’izo Mabega yahoze yereza,
070 Nyiramyambi ya Magana.
Bwanga-gishyika ize
Ihawe impundu n’impumbya,
Za Busabwa-mpunzi no ku Rwanga-kuzika,
Rwa Mpfutse-imuri.
075 Uze ukomeze impundu zirambye nk’i Tare
Umutungo w’iyabereye wateguriwe Rugwe.
Kayanza iti : “ Jyeho ngira umuvugo mwiza,
N’impinga ya Bugumbya-bare,
N’iyonsa harasigiye.
080 Nta gihe mutavukura Mukiga
Imicyamo ya Kirenga-josi muzazivuzwa.
Muvunyi w’igihugu, nkuvuge ko nkuzi,
Wavukiye inka z’i Ruvumba-nsiri
Rwa Rubazi n’i Bworera-ruba rwa Kiragira.
085 Ca amahembe y’abanzi acumukuruze,
Amapfura yagirijwe
Ugashimwa na Mberuka
Namenye ko ari wowe musangira ishyaka.
Inyabusigi ya Gisama-mfuke,
090 Wararimbuye inzigo izakuramutswa.
Uzayambike Gikoko
Nk’uko yambaye Mazuba,
Ava i Muzingwa-nzu
Iwa murangira-joro.
095 Urahirane n’ibibanza Muhirwa-rugendo,
Wa Rugorora rwa Rugondo
Abahe bawe ngo bashimwe.
Nta ntarizi iri hambavu yawe
Ntwari ya Ntway-ubuta
100 Usa na Muramba-ku-migisha.
Zera iwanyu impimba-banzi za Ruhima
Zarengeje ingabo,
Ingendo ya Birori.
N’amarembo ya Kibanza,
105 Ari mwo Musabwa wa Marorerwa
Kibasi izakuramutswa.
N’iwanyu i Mugongo
No hejuru ya Ndi-ku-mbizi.
Ubutati ababuzanye
110 Uzabahimire i Rusumba-mitwe,
Urebe ku Rusumira-bageni.
Uraciranye inka
Z’i Bukariha-mpiri bwa Kiroha,
Uzagumye uzibake i Kiruha-reba.
115 Uze ubakonje nk’ayagiye mu ruganda
Ruyenzi rwa Byondo, Abazira-byugura.
Nzi n’uko bajyana indaheranwa,
Za Nkoni ya Karume
Basuzuguye mu Cyunamo.
120 Ni yo mpamvu yo kubakura mu zabo,
I Bukoma n’i Buhanga-mbone
Bimye Nkoni abakura ku migisha.
Nzi yuko batagira n’ubukiriro
Iyo ukesheje ni ho habakenya,
125 Impinga Gikina-bana
Uhagiye uhagira intaho.
Uze utahe i Rukaza-byuma
N’i Rukamirwa-nyinshi rwa Ndujuje,
Urace ibyaro ku migisha.
130 Mparuye amacumu ya Rwenda rwa Ruhamya
Nyababwire amavu ya Nkey-umubiri.
Imbazi-mpire zagiye ku kitwa Nyumba,
Ntiziragatara i Butuza-cyane.
Ni zo zaba impire
135 Impinga ya Bukabya-mpuri,
Zitorewe ku Rushimirwa-suku.
Ngurwo urugori rwatashye i Gishamvu
Rugacyura Mvugo ituje,
Rwagatunze ingoma izi.
140 Abageni b’Inyabwungura ntibarutana,
Ubuhatsi bw’Imana
Muhoza mu nda nkaramya.
Ye Murangwa-ndoro wa Murara-nyana
Wirambitse ku Murango.
145 Nyange iyo itaba inkeho,
Nkundwa aho yakuye ibya Nkindi,
Bizakwira u Rwanda.
Ye Musabwa wa Musama
Wari usesekaye i Nyabyunzwe.
150 Ye Muvura watuvuraga aho tubabaye,
Mabara amara abanzi na Nyampoze.
Uhoye ba bahanzi ntuheranywe
I Rwishike na Rwishikiro,
Urashimwe cyane.
155 Ngaho abageni ba Muheto nimubarore,
Mabara amara abanzi
Agezwe Rubamba-mugoyi.
Uragatura nk’iyabereye
Uhorane Muringa, Muratwa,
160 Ntituzagusekanwa usumba imihana.
Sem comentários:
Enviar um comentário