Ibisigo Nyabami- Muhabura-MBWIRE BAGOROZI UMUNSI UGUMYE

MBWIRE BAGOROZI UMUNSI UGUMYE = JE VAIS DIRE A BAGOROZI LE JOUR DU CHOIX DECISIF

Ce poème de la catégorie « Ibyanzu » précise l’idée du débat qu’amorce le précédent poème. Imana est l’auteur de l’efficacité militaire que l’on attribue au sang du « Mucengeli » et que ce sang est supérieur aux forces des armes des combattants.

Mbwire Bagorozi umunsi ugumye
W’Abami bahanganye,
Mwebwe bene umunsi yatumaga Gatambira*
Iwa Mutwara-mpigu*.
005 Muturagara atabayeho impamvu

Atumweyo gutongana,
Bagateka* ku rugo.
Urwo rugo rukaba urw’Ingoma nkuru
Batambira ba Bitugu*
010 Biguzi azacya kunyaga Byeguno*.

Amagingo bajya kuyikuraho nyirayo
Ubwo Mutukura* yari iteterewe
Ikagomba umugabo.
Ntondere Mukazi umutaga ukakaye,
015 W’Abagabe bakikanye*,

Mwebwe bene umutaga
Yatokoye* Matambi ibya Gitebo*
Intonganya zivuye ku rutare,
Na yo Rutare igiye mukokera i Mututu.
020 Iyo ni yo bashikanuraho nyirayo, imfuke ngabe ,

Bashimana ba Kirima-condo*,
Bazaca inzira iwa Cyokezo*.
Urugo rwe mukurutwika
Ngo bikorere iyo ngabe,
025 Babanje gukora umuntu mu nda.

None utahazi aho Bagorozi
Ukunde mpakubwire

Nkubwire igishyigura Umwami w’ahandi,
Akava ku ntebe ye,
Agatabaguza agaturumbuka
Agata urugo rwe,
030 N’abaruteye aho bakarwotsa.

Kiti-ihi-se, akaba impunzi,
Yagwana n’igico kikifatira,
Akanywera ku gico.
Uwo ni umuragurirwa , ujyanye n’abarasanyi
035 Ngo bamukure ku bwatsi,

Azigurukwe n’ibyo yarimwo yimye,
Tukabyenda igihugu tukagihanga,
Umwami nyiracyo imbonwa imuyongobeje,

Akagenda atyo.
None utabizi aho Bagorozi
Ukunde mpakubwire

040 Nkubwire ko itabaro risa

Ritagira umucengeli,
Ricyura iminyago misa,
Bitarimo ingoma y’ingabe
N’intebe y’Umugabe
045 I Mugogoma wa Nyiramugabe,

Nyamugongo* wa Nyamurwana*.
Umunsi du wo kubicyura
Haba Mugabo-mvumbana*,
Aho bigomba umugabo nyawe .
050 Aho ga nyine bagashyira amasuka

Abahinzi ba Bisoro bya Bisage,
Amasaka agasenyuka mu matongo,
Ngo : aho nyine hasenyewe nyiraho
Nk’imirima itamanzuye mu Busanza.

None utabizi aho bagorozi
Ukunde mpakubwire

055 Nkubwire ko yaremye imishyo

Irora imana ziramizwa amata
Mugutuma Iyobora itabaro rikanyaga
Riratukirwa ngo: tora Naka
Guca igihugu.
060 Mbere y’itabaro, aho kwaya ngo: kora impamba,

Isi yose ngo: behu!
Imbonwa imubunga imbere
Kuzazana ingoma.

None utahazi aha Bagorozi
Ukunde mpakubwire

Nkubwire ko hakurenganiye
065 Ufite amatwi n’amaso,

Iyo imbonwa itaraboneka,
Umwami arindira mu rugo rwe
Atetse ku ntebe ye,
Indamutsa ikamubyukira bagasenga.
070 Akabarirwa amakuru,

Ngo : iriya ngo barwanye
Imbonwa yaboneka rero,
Ikagenda shishi-itabona,
Ikaboneza mu rugo rwe
075 Ikabwagara* hakagendwa.

Ari imico ugira, ari ukayagirwa,
Byose ngo : bwirwa wumve.
Ubonye iki kiremu untambitseho,
Ngo ni jye wagaye abagabo
080 Bishe umubisha i Kiyonza*,

Yaje aririra Karinzobe*
Ngo ije mu nzu umu.
None nakubwira umuti
W’abatabazi bategekerwa,
085 Wo gukura abanzi

Bakabavana ku ngoma,
Ugasebanya n’aho unsabana
Ubeshya ngo navuze ko abatabazi n’ubatemera
barareshya.
Wigire aha uvuge
090 Uwazanye ingoma y’ingabe,

Karinga* ikayijya hejuru.
Mu byo uvuga ibyo kuko wanyoye
Jye ngiye kukuva imbere.
Ubonye iri tabaro ry’i Mubone*,
100 Ryageze ku itabaro ry’i Murama*,

I Murabirane wa Nyiramurari na Nimurahure,
Ko yatabaje iwa Nyamihamba*.
Umututsi wabonywe ho ikimara,
Bahungu, ashobora ahagumye
105 Urya aba yasumbye Abatutsi.

Umututsi werejwe indagu igatana,
Urya simuringanije na Rwambari.
Imbonwa yabonetse, nk’iyanyaze Rubuga,
Irya yaruse Nyarute.
110 Hariho ga n’intwari : sinzigaya,

Iyo zijya gucyura iminyago
Ingoma zibuririraho.

Related Posts by Categories