NIMIRIJE MWURIRE IMBERE
Ce beau poème “Ikobyo”, malheureusement fragmentaire, est une louange au prince Nkoronko, frère puîné de Rwogera. L’occasion fut la victoire aux frontières du Burundi et l’expédition au Nkore qui rapporta un butin exceptionnellement riche.
Nimirije Mwurire imbere
Mberwa n’imbabazi,
Za Rubabaza-bakinzi rwa Mikore.
Ngo ngere i Mahembe mbona u Busanza,
05 Nkebutse mbona umusozi wakunze
Ufite Imana mu bitwa hejuru.
Henga ngire njyane uruhisho
I Giseke kwa bene Gisunzu
Cya Nsamira ya Busage,
10 Njye gutamba yatabarutse.
Niyibuke njye kumutura,
Ejo atambona gutendwa,
Anyaze impenda Mpakany-icyangwe.
Yanyaze inka i Nkore,
15 Izindi azikura Nkoma,
Impundu zivuga i Mutara
Izindi zivuga i Mutori.
Ineza ituruka i Mutakara
Ngo Rutebeza-misakura rwa Mikore
20 Iyo ageze ku Mwoga ahanyaga ingaju.
Ingundu yayishagije i Buganza,
Kaganza aje kuyuzuza
Mbona inganzo ye.
Nti nguko ukwo umugeni abyara
25 Umugabe n’umugabo uvuna ingoma,
Ku Rugarura-mvura
Kwa Nyirakavuna na Ngotwivune
Umugabe agatsinda,
Umugabo akanganira ingoma.
30 Yafora ingogo zitemba nkamuvuga,
Ko yavunnye ishyembe
Bagashya mu nda i Buguru.
I Shyunga haba icyunamo
Nkabyina ku Cyanga-bake
35 Ntamba imbere ya Cyanga-kubyira.
Ntakuvugira amacumu Ntabwoba,
Naba ntazi kunyurwa.
Jyewe uzi ineza ngirirwa iwanyu
Kwa Bugabo bwa Mugaba-riza,
40 Iyo nkomewe impfizi arahiza injunga.
Ngiyi inzoga ngutura ntiyacubanganye
Nzogera wanshinze ingero yayo,
Nyigira intango nka nyina.
Ngiyi inzoga utazagira
45 Ngo nanyoye umutsama,
Mutsinda yagutsinda
Bugabo unsindiye inzoga.
Sem comentários:
Enviar um comentário