Ibisigo Nyabami- Rwamakaza-UMUVUMO CYANE WICA NK’ICUMU

UMUVUMO CYANE WICA NK’ICUMU = UNE MALEDICTION GRAVE TUE
COMME UNE LANCE

Ce poème est dans la catégorie “Ikobyo”. Un certain Bidugu avait provoqué un combat entre son taureau et celui du poète. De plus, il avait blessé avec sa lance le taureau du poète. Celui-ci trouva ainsi le sujet d’ accusation contre ce grossier personnage. Le roi Rwogera punit, sans doute, le coupable.

Umuvumo cyane wica nk’icumu
Mwebwe bene icumu rya Bicuba,
Mu guca i Buhimba guhima ibyaro.
Inzigo yo ku Nkombe Nkuzi yamucuze,
05 Ubwo amanutse i Rwinzovu

Ayicurana agahina.
Nzarebe akageni inzigo y’imfizi imarirwa,
Ninshyiraho intabo na Ntare
Twakoze mu ntama. .
10 Uwo munsi nabikira araza dukarabe

Iyo narikoze ari indahiro,
Ndakanga Ruhana.
Nzikirira iri kera
Yubahukwa n’amacumu,
15 Bazikira b’inzigo

I Bivugira-mpundu bya Nyirabitugu
Iyatamiriye mu Cyokezo.
Umva Mucikirwa wacuranaga iyo nzoka,
Iyarumye imfuke za Cumu
20 Mu Gipfukira-ntama,

Nzarebe icyiru ahabwa Rweru.
Umwami wa Cyuha-ruguma na Cyarubazi
Na cyo cyamumaze uburakari,
Mbe cyangana iki Rubanda.
25 Icyariha imfizi

Ya Mutubaha na Mutubya-maguru,
Harya ayiteye icumu
Ari ikizira mu bihugu.
I Kinuma-nsiri cya Gitarama,
30 Uwo muntu arenga ingoma nka Hondi.

N’aho atapfa ho
Ntiyanyagwa ubuzira-mata kuyanywa
Abaye Kimwa akarwara ubuheri.
Nacibwe no mu Nkemba
35 Abaye inkoma-ruhanga,

Yirukanwe nta we uhaka umwinazi
Abaye Kirandura mu gihugu.
Rero akabi kaba isubira
Sogokuru ubwo arasanye amwizigiye,
40 Ngo abonye umuvunyi

Amuvira mu ivugano Kavotwa Bidugu,
Mu mikomba ya Mukuba-ndonyi na Rwinkona
Maze amubonye nyina aratengera.
Rero yari yenzwe n’umutima nyina
45 Icyo gitondo ngo aribarutse,

Abonye icyo gitorogo yasuka.
None yagizwe n’igituntu
Kikamutanya impyiko na nyamukanura,
Bakamukubira ku manywa
50 Agakubirwa inzu agasongero.

Mbese buze igituntu kikamusenyura
Imfizi ikajya isura ko ahirita,
Bakamutana umutavu.
Hari n’abo Umwami yatuma umuntu
55 Ngo na we yirushye atindiranya,

I Mutarama Nyiramutambyi
Harya si ukugoma mu Rwanda ?
Aho kiri mu mpyiko ndacurura
N’icuraguza rya cyo
60 Ntakidaha kiri mu Ndihaguzi,

Ntamenye ko Rukoronko yica uwayirengeye.
Cyiru cya Nyirakwimuga
Uwayitatiye imuta mu ishyano.
Narembe amufate Rweru,
65 Agira ibakwe aramwica nimukuka

Arakambura aho jye muzi ingeso.
Arahaguruka amenye
Tumuranure ubudashibuka
Apfe yamaze ibitorogo.
70 Bidugu yangiye Bwagiro mu Gisibiri

Aho asigaye aremba arasambura aho.
Na njye nzasigare mubambura
Ko ashyirwa mu ruzi rwa Gihutwa-kamera,
Maze mumusengere.

Related Posts by Categories