Indirimbo-Zirikana-Niyomugabo Philémon

Zirikana
Indirimbo ya Niyomugabo Philémon


Umva di, zirikana yuko

Iyi si yacu yameze amenyo

Ibyo tubona ubu si byo bya kera

Biraturya amano twarumiwe



Zirikana rwose iryo banga ry'urukundo

Wihangane ubabazwe no kumutegereza

Wime amatwi abashaka kukurya umutima

Intambwe umaze gutera ni bwo butwari



Ibyo hanze aha biri kuzamba

Nta mahoro ariho isi irashaje

Turwana intambara z'uburyo bwinshi

Ku bwa nyagasani tukayitsinda



Ni ibyo tubona bidukura umutima

Zirikana cyane ibanga ry'umukunzi

Ararwana intambara yo kuguhoza ku mutima

Ntugahangayike ntazakwibagirwa



Hariho benshi bagenzwa no gusenya

Bafite ubumara nk'ubwinzoka z'inkazi

bakiyoberanya bigira abatagatifu

Urajye ushishoza mu byo wumva ubwirwa

Related Posts by Categories