RUSUMBA MAHANGA, Abasizi Batazwi

RUSUMBA MAHANGA = Ô LE DOMINATEUR DES NATIONS

Ye Rusumba mahanga

Ye Bagenza ba Musumira-ngabo

Na Musobanya-ngohe,

Bari i Musekera kwa Bisu

05 Mushyikirana wari kwa Ngabo,

Rugomberera yajyanye Mvugo yamirira

Aha Mvujumwengo.

Henga nkubwire Miseke

Wa Mutaramu-de wa Musindi i Sohoka-nyumbu,

10 Nyiri ibihumbi byasumaga

Ubwo yadutse i Mushongi,

Ajya kubyutsa iyo ngoma Ntamigabano.

Ngaha yakubana ya mahanga

Babuze iyo bakwirwa,

15 Bikanze iyo mirindi yawe

Mirindi ya Mirabyo na Mirarwe,

Mihare amakeba uyagize impehe nsa

I Budacya-kabiri bashize biruka.

Rusenga-tabaro

20 Iri cumu ryawe wariraje mu ruganda,

Rukanga-mashyo rwa Ngiye-i-Shyama

Ibihugu ujya gutsinda birakubanza.

Reka ubageme irya Mutara w’i Ntenderi

Ryiciye Nyaruzi i Nyamukindo,

25 Rikongeza Nyakizu.

Henga mbabwire ya Mfizi idashyama

Bashyanuka b’intambara,

Nyankamwa ambwiye ati: zuhire kare.

Related Posts by Categories